Beschreibung
Beat: Freshmaker Lyriks/Rap: Vearz; Xangl: Adem Delon
Vearz I:
Am Flyer steht im Himmel steigt a Party,
an haufen Engal, am Buffet is alles gratis,
und die Wolken san so siaß, wache Woll auf mein Fiaß,
auf da Gästelistn steht ma wenn ma fromm is und pariert,
und da Petrus begrüßt mi, schleckt an am Milchflip,
bitte bedien di am Buffet warten no Knäckebrot und Müsli,
und nach da gratis Pediküre ja dann forderns mi beim Schach,
zitieren aus da Lektüre die Veranstaltung is zach
oida ehrlich jetzt hear i schlecht heast i glaub die woin mi pflanzen,
no immer niacht, wie soll ma zu der Fahrstuhlmusi tanzen
suach im Puplikum vergeblich a paar Pupperln die ma gfolln,
doch die anzigen die da san, hat scho unten kana wolln,
a Engel mit an zrupften Flügel, sagt ma, dass Verwante da san,
heast wos mochstn du im Himmel warst du net a Schand fürn Vatern,
dauert nur gfeiert und außer Unsinn nix gmocht,
so a unguade Rotz, ghört ins Untergeschoss
Chorus I:
Am Flyer steht im Himmel steigt a Party,
sie lossen jeden eine der a brav is,,
guade Stimmung ja die gibt’s nur im Himmel,
Olle dürfen feiern oba i net,
Herrgott was die sagen na des stimmt net,
i bin im Leben doch ka anziges moi schlimm gwesn,
Wos is mit Vergebung und mit Liebe?
Kennts net lesen, steht ja in da Bibel!
VearzII:
„Am Flyer steht da Teifl mocht a Party,
a riesen Feierwerk mit Weiber und Raki,
schau die Tanzflächen glüht, und die Fiaß schwitzen,
da Leibhaftige legt auf, spendiert a Bierkisten“
und i werd freindlich empfangen na da is heite was los,
i bin da letzte der da eintrifft meine Freind san scho da“
oida des Festl des fetzt, vüle special effects,
a mit Schwefel versetztes, Getränk des i ex, (yeah)
Drogn und Huan ma fühlt si guat da Teifl bring die Kohlen zur Gluat,
er täuscht da, dasst die Wahl hast vor und sorgt für Unterhaltung pur,
und wir denken net an morgen und vergessen unsre Sorgn,
machen d Nacht zum Tag mir die tuat Ablenkung guat,
da herunten is die Hölle los, a Festl ohne Pause,
am Anfang wors no lustig, irgentwie hängst ma jetz scho auße,
i muas die ganze Zeit drauf sei, weil sonst pack is net,
i frog in Teifl ob i aufe derf, er lasst mi net,
Chorus II:
Am Flyer steht da Teifl schmeißt a Party,
er losst an jeden eine der a Gfrast is,
Stimmung, a Festl für Schlimme!
Wer net feiert der kriagt jetzt an Dübel!
Teifel heast mi mogst du da bestimmt net,
i bin im Leben doch ka anziges moi schlimm gwesen,
Oida was is mit Verpflichtung und mit Liebe
Feier hoit die Goschn und vergiss des!
Vearz III:
I muas da auße, muss auffe wieder zruck an die Sunn,
wann mas genau nimmt, dann rennan da nur Butterwallis um,
i wü ham zu meiner Frau und zu mein Kind,
i muas schaun ob i den Ausgang find,
do kummen Lucifer‘s Security i speib eana vord Fiaß,
werd vo eana attackiert , vo Fäust tracktiert,
hob kassiert kann mi net rian,
da Teifl sagt du ghörst für immer mir,
Chorus II
